Brnabiq u përshëndet me flamur para qeverisë, por edhe me lajme të rreme
Në të njëjtën kohë, ndërsa dy kryeministrat, Zoran Zaev dhe Ana Brnabiq, folën për lajmet e rreme, disa media njoftuan se kryeministrja serbe u përshëndet pa flamur para qeverisë, njofton Meta.mk.
Siç mund ta shihni nga fotot zyrtare kjo është publikuar me qëllim keqinformimi.
Prandaj, titulli i tekstit që kryeministrja serbe Ana Brnabiq u përshëndet pa flamur para qeverisë është i rremë. Flamuri i Republikës së Serbisë është vendosur në një podium ngjitur me flamurin maqedonas. Sigurisht, që manipulimi i titullit të jetë më i suksesshëm, është pikërisht fotografia që tregon vetëm flamurin maqedonas.
Duke përjashtuar gafën e qeverisë, kur kancelari austriak Sebastian Kurz u përshëndet me flamurin e gabuar, teksti i “Republikës” madje “pretendon” se Brnabiq u përshëndet pa flamur, gjoja “të mos gabohet shteti”.
Përveç fotove zyrtare që tregojnë qartë flamurin e Republikës së Serbisë, edhe qeveria ka demantuar informatën.
Знамето на Република Србија се вееше заедно со знамето на Република Северна Македонија на платото пред Владата. Сите објави дека немало српско знаме се дезинформации. pic.twitter.com/40OeLssOIq
— Портпарол на Влада на РСМ (@portparolVRSM) August 26, 2019
Përndryshe, sot në konferencën për shtyp të Kryeministrave Zoran Zaev dhe Ana Brnabiq, vëmendje e madhe iu kushtua lajmeve të rreme. Sipas kryeministrit Zaev, “lajmet e rreme mund të bëjnë armiq vendet që janë miq”.
“Përsëritja e së vërtetës në mënyrë që lexuesit dhe shikuesit të mund të bëjnë dallimin midis asaj që është e rreme dhe asaj që nuk është, aktualisht është mënyra e vetme për politikanët të luftojnë lajmet e rreme”, tha Zaev.
Sipas kryeministres serbe Brnabiq, për sa kohë që ka më shumë nisma konkrete, projekte të përbashkëta dhe ide të mira, komunikim të drejtpërdrejtë dhe vizita të ndërsjella, ajo jep një pamje shumë më të qartë të marrëdhënieve midis dy vendeve sesa lajmet e rreme.
