Vëllezërit Haradinaj krenar që formuan Ushtrinë dhe ligjin për Trepçën, si dhe ndalën ndarjen e Kosovës
Ish deputeti nga radhët e AAK-së, Daut Haradinaj ka thënë se legjislativi dhe ekzekutivi i deritashëm kanë pamundësuar ndarjen e Kosovës.
Në një fotografi të shpërndarë në Facebook ku shihet dore për dore me të vëllanë – ish Kryeministrin Ramush Haradinaj, ai ka falënderuar të gjithë ish deputetët e kuvendit për bashkëpunim, transmeton Klan Kosova.
“Pas shpërbërjes së Kuvendit, dëshiroj t’i falënderoj kolegët e mi të AAK-së dhe të gjithë deputetët e Parlamentit të Kosovës për kolegialitet të përsosur pavarësisht dallimeve që kishim”.
“Ky Kuvend dhe kjo Qeveri do të kujtohen me theks të veçantë që e pamundësuan ndarjen e Kosovës, formimin e Ushtrisë së Kosovës, ligjin për Trepçën dhe çështje tjera kruciale”.
“Për një Kosovë 100%”.
“Na priftë e mbara dhe suksese në të ardhmen”