Presidenti Pendarovski u takua me ambasadorin e Kuvajtit
Stevo Pendarovski, presidenti i Maqedonisë së Veriut u takua sot me Jakub Al-Atiki, ambasadorin e Kuvajtit, transmeton Portalb.mk.
Në takim, përveç për raportet bilaterale ndërmjet dy shteteve, u diskutua edhe për situatën në Lindjen e Afërt.
“Presidenti Pendarovski theksoi nevojën për përmirësimin e raporteve ndërmjet dy shteteve, në përmbajtje dhe formë të re, në funksion të hapjes së mundësive të reja për rritjen e bashkëpunimit në ekonomi, shkëmbime tregtare dhe investime”, njoftojnë nga presidenca.
Jakub Al-Atiki është ambasador i shtetit të Kuvajtit për Maqedoninë e Veriut, me seli në Sofje të Bullgarisë.