“Informeri” serb dezinformoi – flamuri nuk ndryshoi, është ndryshuar në 1995
Disa ditë më parë, portali serb “Informer” publikoi një tekst me një titull që e dezinformon publikun:
“FUND PËR DIELLIN E VERGINËS! Maqedonasit e largojnë simbolin nga flamuri për shkak të marrëveshjes me Grekët! (KRAJ ZA SUNCE VERGINE! Makedonci uklanjaju i simbol iz zastave zbog dogovora sa Grcima!).
Në këtë rast konkret ka një gabim në pjesën e dytë në konstruksionin e ballinës, ku është lëshuar informacion i pasaktë, për çka fitohet përshtypja se ndërrohet flamuri i Maqedonisë, transmeton META.mk.
Në fakt, nuk bëhet fare fjalë se do të “hiqet simboli nga flamuri për shkak të marrëveshjes me Grekët”. Meqenëse dielli i Verginës nuk gjendet në flamurin aktual të Maqedonisë tashmë një kohë të gjatë, ky simbol është hequr që nga 1995 si obligim i Marrëveshjes së përkohshme.
Në fakt, e vërteta është se dielli i Verginës (ylli i Kutleshit) po fshihet nga simbolet e institucioneve publike dhe hapësirave publike, si dhe nga ndërtesat dhe sipërfaqet publike. Dhe këtë e ka kërkuar Qeveria e Maqedonisë së Veriut nga qeveritë lokale, në përputhje me Marrëveshjen e Prespës.
Në fakt, ky informacion është përcjellë saktë në përmbajtjen e tekstit në “Informer”,, vetëm se artikulli është vendosur me titull të gabuar. Për më tepër, artikulli ilustrohet me fotografi të papërshtatshme – flamurin aktual të Maqedonisë, i cili forcon përshtypjen se po bëhen korrigjime të flamurit ekzistues. Që, sigurisht nuk është e vërtetë.
As që duhet të përmendet që shumë media në Serbi publikuan tekste korrekte rreth kësaj teme, por për ilustrim e kanë zgjedhur flamurin aktual të Maqedonisë (pa përshkrimin se për cilin flamur bëhet fjalë), që është një zgjedhje e gabuar.
