Filluan procedurat për ndërtimin e qendrës së re klinike
Ministria e shëndetësisë (MSH) njoftoi se ka publikuar në Sistemin elektronik për furnizime publike thirrjen për kompanitë e ndërtimit për ndërtimin e qendrës së re klinike universitare në “hapësirat greenfield” në Shkup, transmeton Portalb.mk.
Sipas MSH, nevoja për një qendër të re klinike universitare vjen si kusht për përmirësimin e cilësisë në shëndetësinë terciare.
Kriteri për zgjedhjen e ofertës më të volitshme do të përfshin raportin ndërmjet çmimit dhe kualitetit, pra oferta më e volitshme ekonomike. Për herë të parë nuk do të jetë kriter çmimi, por oferta më e volitshme ekonomike, ku çmimi do të ketë 30 pikë, ndërsa kualiteti 70 pikë.
Nga MSH deklarojnë se, duke marrë parasysh se bëhet fjalë për një projekt shumë serioze, përvoja e kompanive ndërtuese në projekte të ngjashme do të jetë e rëndësishëm në ndërtimin e qendrës së re klinike universitare.
