Taravari: Gjykata mori vendim se kompetencat e shkollave i takojnë Komunës, jo ministrit (DOKUMENT)

Gjykata Administrative ka marrë vendim në lidhje me atë se kompetencat në arsim në Gostivar duhet t’i takojnë komunës përkatëse dhe jo Ministrisë së Arsimit dhe Shkencës (MASH), raporton Portalb.mk.

Kryetari i Gostivarit, Arben Taravari sot njoftoi se ka pranuar vendimin e Gjykatës Administrative, ku theksohet se “padia e Komunës së Gostivarit është PRANUAR. Vendimi nr.08-2133/1 prej 13.02.2019 i Ministrisë së Arsimit dhe Shkencës është ANULUAR”.

Vendimi i MASH-it përcaktonte marrjen e kompetencave për arsim për 9 muaj komunës së Gostivarit për herë të dytë. Këtë vendim MASH-i e arsyeton me shkeljet procedurale të përsëritura të Taravarit gjatë shkarkimit dhe emërimit të drejtorëve në shkollat fillore dhe të mesme.

“Ministri i “kompetencave” dhe “doktori i shkencave juridike”, sipas gjykatës administrative nuk paska të drejtë për marjen e kompetencave në arsim në komunën e Gostivarit.
I nderuari “docent” kthe kompetencat dhe kërko falje publike, jo për mua, po për nxënësit dhe mësimdhënësit në Gostivar, të cilët i torturon tash më 2 vjet!
Drejtësia doli në shesh!”, shkroi Taravari në Fejsbuk.

No photo description available.

Ndryshe, Ministria e Arsimit dhe Shkencës disa herë ia ka marrë kompetencat Taravarit në lidhje me shkollat. Ministria si shkas për marrjen e kompetencave e ka theksuar se kryetari i Komunës e ka shkelur ligjin gjatë shkarkimit/emërimit të drejtorëve.

LEXO: I janë marrë kompetencat Taravarit për të shkarkuar dhe emëruar drejtorë në shkollat e Gostivarit
LEXO: Protesta e ASH-së: larg duart nga Gostivari dhe ktheni kompetencat arsimore te Taravari (VIDEO)
LEXO: Komuna e Gostivarit i përgjigjet MASH-it: Taravari nuk ka bërë shkelje, vendimi i Ademit thjeshtë politik
LEXO: Të mërkurën i kthehen kompetencat, Taravari: Do ta rregulloj situatën kaotike në shkolla

LEXO: Ministria e Arsimit ia ka marrë përsëri kompetencat Komunës së Gostivarit
LEXO: MASH: Ia morëm kompetencat Taravarit se i përsëriti shkeljet ligjore

Lajme të ngjashme

Leave a Reply

Your email address will not be published. Required fields are marked *

Back to top button