Gjykata e ndaloi Bujar Osmanin dhe Agim Nuhiun ta vizitojnë Morinën në burg

Gjykata Penale e Shkupit nuk ka lejuar që zëvendëskryeministri Bujar Osmani dhe zëvendësministri i brendshëm Agim Nuhiu ta vizitojnë ish-ushtarin e UÇK-së Tomorr Morina që ndodhet në paraburgim në Shkup.

TV21 ka siguruar dokumentin që arsyeton ndalimin e këtij takimi, e ku shkruhet se:
“…në përputhje dispozitat nga neni 178 i Kodit për procedurë Penale, persona që kryejnë funksionin e zëvendëskryeministrit dhe zëvendësministrit për punë të brendshme, janë persona që nuk mund të vizitojnë një të paraburgosur”.