4 shenjat që tregojnë se lidhja juaj po funksionon

Ndonjëherë është e lehtë të kuptohet kur një marrëdhënie nuk funksionon sepse situatat janë aty të prekshme. Përkundrazi, është shumë më e vështirë të kuptosh se partneri juaj aktual është ai i duhuri dhe që ju do vërtetë. Dhe për të kuptuar nëse marrëdhënia funksionon duhet të vëzhgojmë disa sjellje dhe veprime, të cilat na tregojnë se ne jemi në rrugën e duhur, shkruan revista Class. Këtu janë disa shembuj.

1. Ju jeni të hapur dhe të sinqertë për ndjenjat me njëri-tjetrin

Një nga shenjat e para që ju bën të kuptoni se marrëdhënia juaj po kalon në nivelin më serioz është kur nuk ka më nevojë për të interpretuar ndjenjat tuaja. Nëse mund të jeni shumë të sinqertë për ndjenjat tuaja, domethënë nëse mund ta shprehni dashurinë tuaj në mënyrë të natyrshme, atëherë keni arritur deri në atë pikë sa të ndjeheni të prekshëm pa njëri-tjetrin.

2. Flisni për të ardhmen natyrshëm

Kur një marrëdhënie bëhet serioze, ajo ndalon të përqendrohet ekskluzivisht tek e tashmja dhe fillon të shikojë të ardhmen. Pra, nëse djali që jeni duke dalë fillon të flasë për planet për të ardhmen që ju përfshijnë bashkarisht, atëherë ajo funksionon mirë.

3. Ziheni dhe më pas pajtoheni menjëherë

Mosmarrëveshja është normale në çdo marrëdhënie dhe në varësi të mënyrës sesi i afroheni një teme, mund t’ju tregojë shumë se ku drejtohet marrëdhënia juaj. Nëse mund të kapërceni disa mosmarrëveshje, është një mënyrë e shëndetshme që ju afron më shumë me njëri-tjetrin, në mënyrë sentimentale.

4. Ju po prezantoni veten tek miqtë dhe familjarët e tij

Nëse ju dhe ai keni filluar ta prezantoni njëri-tjetrin me miqtë tuaj të afërt dhe mbase edhe me familjen, kjo është një shenjë e qartë që marrëdhënia po bëhet serioze. Kjo sjellje është një mënyrë e qartë për të përfshirë veten në jetët e njëri-tjetrit.