Kuvendi serb ratifikoi marrëveshjen për kontroll të përbashkët në VK Preshevë-Tabanoc

Kuvendi serb mbrëmë e miratoi ligjin mbi ratifikimin e Marrëveshjes midis Qeverisë së Serbisë dhe Qeverisë së Maqedonisë Veriore, për vendosjen e kontrollit të përbashkët në Vendkalimin-kufitar, Preshevë -Tabanoc, njofton Alsat M.

Ministrja e Ndërtimtarisë, Transportit dhe Infrastrukturës Zora Mihajlloviç në diskutim tha se është e rëndësishme që për konkurrencën dhe lidhjen të krijohen vendkalime të përbashkëta kufitare me fqinjët, në mënyrë që të lehtësohet qarkullimi i mallrave dhe i njerëzve.

“Pa marrë parasysh se sa investojmë në infrastrukturë, ndërtojmë autostrada dhe modernizojmë hekurudhën, ka probleme me barrierat jo fizike, të cilat nuk janë vetëm çështje e krijimit të radhëve të gjata gjatë verës, por ato janë veçanërisht të pranishme në transportin e mallrave, ku nganjëherë presim nga 10 deri në 15 orë.

Ajo theksoi se kjo është arsyeja kryesore pse filluan bisedimet me vendet fqinje për kontrolle të përbashkëta në vendkalimet kufitare, të cilat do të lehtësojnë kalimin e kufijve dhe qarkullimin rrugor ndërkombëtar.

Lajme të ngjashme

Leave a Reply

Your email address will not be published. Required fields are marked *

Back to top button