Kryetarët e komunave të Karposhit dhe Manastirit kanë dhënë deklaratë në Prokurori për rastin “Reket”
Kryetarët e komunave të Karposhit dhe Manastirit, Stefan Bogoev dhe Natasha Petrovska, kanë dhënë deklaratë në Prokurorinë Publike për Krim të Organizuar dhe Korrupsion në lidhje me rastin “Reket”, njofton Portalb.mk.
Prokuroria për Krim të organizuar dhe Korrupsion nëpërmjet një kumtese, sot njoftoi se po i merr në pyetje disa persona të caktuar me qëllim që të ndihmojnë në konstatimin e mëtutjeshëm të fakteve në lëndën “Reket”, në të cilën janë të dyshuar disa persona për kryerjen e veprave penale – pranim të dhuratës për ndikim të paligjshëm dhe larje parash, por edhe vepra tjera penale.
“Gjatë ditës së djeshme, pas thirrjes nëpërmjet telefonit nga prokurori publik, në Prokurori ka dhënë deklaratë kryetari i Komunës së Karposhit. Sot është ftuar që të japë deklaratë edhe kryetarja e Komunës së Manastirit. Në interes të hetimit, Prokuroria nuk është në mundësi që të ndajë detaje rreth përmbajtjes së deklaratave të dhëna”, thuhet në kumtesën e Prokurorisë.
Paralelisht, Prokuroria vazhdon të mbledhë prova verbale. Gjithashtu, po kryhet edhe ekspertiza për telefonin e dytë të marrë nga kryeprokurorja speciale në dorëheqje, Katica Janeva.
Përndryshe, në lëndën për zhvatjen të dyshuar janë dy persona, Bojan Jovanovski i njohur me nofkën “Boki 13” dheZoran Milevski i njohur si Zoki Kiçeec se kanë zhvatur biznesmenë nëpërmjet prokurorit publik, apo shefes së PSP-së në dorëheqje, Katica Janeva.
- LEXO: Janeva i ka njoftuar sot kolegët në PSP se është në pushim mjekësor
- LEXO: SHGM: Rasti i “1 TV”-së është alarmi i fundit për reformat urgjente në media
- LEXO: Kryeparlamentari Xhaferi komentoi ndodhitë e fundit në PSP
- LEXO: Të gjithë manovrat e dyshimta të Katica Janevës
- LEXO: Prokurorja Ristevska: Veprimet individuale nuk i karakterizojnë veprimet e PSP-së
- LEXO: Udhëheqësi i 1TV, Boki 13, u ftua në bisedë Informative
- LEXO: Agjencia për media për të dytën herë do të hetojë nëse Boki 13 është pronar i fshehtë i televizionit të babait të tij
- LEXO: Agjencia për Media e shqyrton pronësinë e 1TV, “Boki 13” edhe pse ka deklaruar, nuk është pronar në dokumente