Ministri Spasovski: Për një vit janë denoncuar 65 vepra penale për gjuhë të urrejtjes

“Për një vit dhe disa muaj janë denoncuar 65 vepra penale për gjuhë të urrejtjes. Nga të cilat kemi 82 kryerës të këtyre veprave penale”, kështu ka deklaruar ministri i Punëve të Brendshme, Oliver Spasovski sot në seancën e pyetjeve të deputetëve në Kuvendin e Maqedonisë së Veriut, transmeton Portalb.mk.

Ai tha që të kenë efekt paditë e tyre, duhet që Prokuroria Publike dhe gjykatat të veprojnë ndaj tyre, dhe të sanksionohen kryerësit.

“Efekti tjetër do të jetë nëse në mënyrë më energjike gjuhën e urrejtjes e kundërshton edhe Prokuroria dhe Gjykata. Nëse shohim se dikush nga ata persona do të bartë përgjegjësi, dhe nëse dikush nga ato e merr dënimin e merituar, sepse ka dërguar kërcënime dhe gjuhë të urrejtjes, atëherë për këtë do të demotivoheshin ta bënin edhe të tjerët. Por nëse e shohim se e edhe përskaj numrit kaq të madh të padive, ende do të mbrohen grupet e caktuara nga partitë, dhe prandaj do të na paraqitet edhe më tej gjuha e urrejtjes”, tha Spasovski.

Siç deklaroi ai, pjesa dërmuese e këtyre veprave penale janë bërë në rrjete sociale.