Televizioni “1 TV” për “Reketin”: Ndoshta është edicioni i fundit i lajmeve
Pas dy javësh, Televizioni “1 TV” është deklaruar në lidhje me lëndën e Prokurorisë Themelore Publike (PTHP) për ndjekjen e krimit të organizuar dhe korrupsionit, “Reket”, ku i dyshuar është pjesëtari i kësaj media Bojan Jovanovski i njohur me nofkën Boki 13. Nga atje kanë dhënë se ndoshta mbrëmë ishte edicioni i fundit i lajmeve, transmeton Portalb.mk.
“Të nderuara. Sot, 24.07.2019, ndoshta ishte edhe edicioni i fundit i lajmeve që e shikuat në 1 TV. Goditjen më të madhe që mund ta përjetojë gazetaria është shuarja e një media. Shuarja e një hapësire publike, për çfarë mendojmë se askujt nuk i shkon për shtati, veçanërisht jo shtetit i cili është para portave të NATO-s dhe BE-së, gjegjësisht nivelit më të lartë të vlerave demokratike”, thanë dje nga “1 TV”-ja.
Duke e komentuar lëndën “Reket”, nga televizioni kanë deklaruar se kuadri i gazetarëve ka dëshmuar se, edhe në dëmin e tyre ekzistojnë njerëz që i mbrojnë standardet gazetareske dhe profesionin e gazetarisë.
“1 TV ishte metë e sulmeve të pabaza, spekulimeve dhe lajmeve të rreme me qëllim që të diskreditohet kuadri i gazetarëve. Lajmet e rreme, mund të jenë interesant për qendra të caktuar një – dy ditë, por mbetet fotografia më e madhe. Dhe ajo është që 1 TV në të ardhmen mund të jetë media për realizimin e planeve profesionale të gjeneratës së gazetarëve aktuale dhe të ardhme. Tërë kuadri i gazetarëve në 1 TV është krenar që ka treguar dhe dëshmuar para publikut maqedonas, se edhe në dëmin e tyre, ekzistojnë njerëz që i mbrojnë standardet gazetareske dhe profesionin e gazetarisë”, thanë nga “1 TV”-ja.
Përndryshe, në lëndën për zhvatjen të dyshuar janë dy persona, Bojan Jovanovski i njohur me nofkën “Boki 13” dhe Zoran Milevski i njohur si Zoki Kiçeec se kanë zhvatur biznesmenë nëpërmjet prokurorit publik, i cili jo zyrtarisht thuhet se është shefja e PSP-së, Katica Janeva.
- LEXO: Janeva i ka njoftuar sot kolegët në PSP se është në pushim mjekësor
- LEXO: SHGM: Rasti i “1 TV”-së është alarmi i fundit për reformat urgjente në media
- LEXO: Kryeparlamentari Xhaferi komentoi ndodhitë e fundit në PSP
- LEXO: Të gjithë manovrat e dyshimta të Katica Janevës
- LEXO: Prokurorja Ristevska: Veprimet individuale nuk i karakterizojnë veprimet e PSP-së
- LEXO: Udhëheqësi i 1TV, Boki 13, u ftua në bisedë Informative
- LEXO: Agjencia për media për të dytën herë do të hetojë nëse Boki 13 është pronar i fshehtë i televizionit të babait të tij
- LEXO: Agjencia për Media e shqyrton pronësinë e 1TV, “Boki 13” edhe pse ka deklaruar, nuk është pronar në dokumente
