Kush duhet të jetë në krye të PSP-së, sipas Mickoskit
Hristijan Mickovski, kryetari i partisë opozitare VMRO-DPMNE-së deklaroi se është i diskutueshëm resori i kuadrove që ka në dispozicion Prokuroria Speciale Publike (PSP) dhe se prokurorët nuk mund të transferohen në prokurorinë e sapoformuar, por se duhet që të kthehen në prokuroritë prej nga edhe kanë ardhur.
Në një paraqitje publike, Mickovski thotë se është i diskutueshëm kuadri që ka në dispozicion PSP-ja aktuale.
“Po shohim se një pjesë e prokurorëve, duke përfshirë edhe prokuroren e përgjithshme, janë tërësisht të kontaminuar me rastin “Reket”. Sipas ligjit , ata nuk duhet që të kthehen në prokurorinë apo në sektorin e sapoformuar. Ata do të duhet të kthehen në prokuroritë nga të cilat edhe kanë ardhur”, vlerëson Mickovski.
Për propozimin e Vilma Ruskokës në krye të prokurorisë së re, Mickovski thotë se është e njëjta gjë sikur ata të propozojnë një person i cili ka reputacion dhe kredibilitet dhe i cili është përzgjedhur me vite si më i miri në profesionin e gjyqësorit, dhe ky është Vladimir Pançevski.
“Pse të mos mendohet rreth kësaj ideje? Përse të mos e zgjedhim atë”, thotë Mickovski.