Irani e konfirmoi konfiskimin e cisternës në Ngushticën e Hormuzit

Televizioni shtetëror iranian raportoi se Garda Revolucionare e ka konfiskuar një cisternë të huaj më 14 korrik, njofton REL.

Brenda transportuesit ishin 12 anëtarë të ekuipazhit.

Sipas mediave iraniane, cisterna po transportonte lëndë djegëse nga kontrabandistët iranianë, tek klientët e huaj.

Ajo u zbulua në rajonin e shumëpërfolur të Ngushticës së Hormuzit.

Nuk bëhet e ditur, se cila ishte kombësia e anëtarëve të ekuipazhit.

Një shërbim online për përcjelljen e transportuesve të naftës i quajtur “TankerTrackers”, tha se cisterna kaloi në ujërat iraniane më 14 korrik.

Shërbimi tha se cisterna ishte me flamur panamezë dhe në pronësi të Emirateve të Bashkuara Arabe

Ngushtica e Hormuzit, është një vendkalim për gati një të tretën e gjithë naftës që tregtohet nga deti.

Incidenti vjen mes tensioneve të larta midis Teheranit dhe Uashingtonit.

Britania konfiskoi një cisternë iraniane jashtë brigjeve të Gjibraltarit më 4 korrik, pas dyshimeve se po shkelë sanksionet e BE-së, duke dërguar naftë në Siri.

LEXO: SHBA-ja dyshon se Irani ka konfiskuar një cisternë të naftës

LEXO: Trump kërcënon se do të shtojë sanksionet kundër Iranit

LEXO:  Irani kërcënoi sërish Britaninë pas incidentit me cisternën

 

Lajme të ngjashme

Leave a Reply

Your email address will not be published. Required fields are marked *

Back to top button