RMV, Ministria e Punëve të Jashtme me ligjin e ri do ta reformojë shërbimin diplomatik
Ministria për punë të jashtme e Maqedonisë së Veriut është duke përgatitur propozim Ligj për punë të jashtme, duke thënë se me ndryshimet e shumta të mëparshme të ligjeve është bërë konfuzion dhe shtrembërim i gjithë sistemit, njofton Portalb.mk.
“Me ligjin e ri tërësisht do të reformohet shërbimi diplomatik. Me ligjin e ri do të mundësohet vendosja e diplomacisë profesionale në përputhje me Konventën e Vjenës për marrëdhënie diplomatike dhe konsullore si dhe në përputhje me rregulloret tjera ndërkombëtare në fushën e diplomacisë”, njoftohet në shpjegimin e propozim ligjit të botuar në Regjistrin e vetëm elektronik nacional “ENER”.
