Basha: Ne jemi opozita që garanton ndryshimin e kërkuar nga 85% e shqiptarëve
“Protestat tona janë europiane dhe për Shqipërinë si gjithë Europa. Edhe mediat ndërkombëtare, së fundmi, na u drejtuan si “protestuesit pro-europianë”- kështu tha kreu i PD, Lulzim Basha në takimin me strukturat e Partisë Demokratike në Fier.
Lideri i opozitës tha në Fier se PD duhet t’i dalë për zot vendit, të rrisë mbështetjen e saj tek ai 85 përqindësh që refuzuan regjimin e Edi Ramës, duke treguar se PD, njësoj si ata, kërkon ndryshimin e vërtetë, transmeton Top Channel.
“Kjo nuk është një betejë për pushtet personal. Nuk jemi në betejë për karriget tona, por për të mbrojtur interesin publik, për ndryshimin rrënjësor të sistemit, që e keqja që solli Edi Rama, të mos perseritet më kurrë.”- tha Basha.
Ai theksoi se qëllimi i këtij ndryshimi është mirëqenia e qytetarëve.
