Protesta “Jashtë klani i Zajazit” më 26 korrik në Shkup
Protesta që vijoi si rezultat i publikimit të materialeve të përgjuara – “Bombave” nga “El Çeka”, më 26 korrik 2019 do të zhvendoset në Shkup, transmeton Portalb.mk.
Këtë e bëri të ditur vëllai i “El Çekës”, Blerim Ahmedi nëpërmjet profilit të tij në rrjetin social Fejsbuk.
“Protesta kombëtare vazhdon”, ka shkruar ai, ndërkaq ka bashkëngjitur fotografinë në të cilën shkruan “Protestë, 26-07-2019, ora 14:00, në Sheshin Skënderbeu – Shkup. Marshimi drejt qeverisë sllavo-maqedonase. Liri çlirimtarëve, jashtë klani i Zajazit”.
Përndryshe kjo është protesta e tretë kundër siç e quajnë ata, “Klanit të Zajazit”, vend nga ku vjen lideri i partisë politike në pushtet Bashkimit Demokratik për Integrim (BDI), Ali Ahmeti, i cili me bashkëpartiakët e tij dëgjohet të bisedohet në “bombat” e publikuara nga “El Çeka”.
Protesta u nxit nga vetë ai, ndërkaq organizohet nga vëllai i tij dhe disa lëvizje shqiptare në Maqedoni të Veriut, Shqipëri dhe diasporë.
