Vuçiq nuk pranon të tregojë si po furnizohen serbët e Kosovës

Presidenti i Serbisë, Aleksandar Vuçiq tha se ai e bëri “një pjesë të mirë të punës”, në furnizimin e serbëve në Kosovë për nevojat themelore, të paktën për muajin e ardhshëm, njofton REL.

“Ia arritëm të sigurojmë një pjesë të mirë, por si e bëmë këtë, nuk do të flas”, i tha Vuçiqi, Radio Televizionit të Serbisë.

I pyetur për zgjidhjen e problemit të Kosovës, ai tha se kjo pyetje është mbi të gjitha “për shqiptarët dhe serbët”.

“Nëse do të na kishin lënë të qetë, mesiguri se deri më tani do të kishim rënë dakord. Por, problemi është se Kosova nuk është një pyetje e ish-Jugosllavisë, kurrë nuk ka qenë një çështje e popujve që jetojnë atje”, tha Vuçiqi.

Që nga nëntori i vitit të kaluar, Qeveria e Kosovës ka vendosur tarifën ndaj mallrave serbe, duke nxitur reagimin e Beogradit, dhe pezullimin nga ana e tij, të pjesëmarrjes në bisedimet për normalizimin e raporteve, që po zhvilloheshin me lehtësimin e Bashkimit Evropian.

Lajme të ngjashme

Leave a Reply

Your email address will not be published. Required fields are marked *

Back to top button