Rasti i “Durmo Turs”-it, Gjykata e refuzoi kërkesën për paraburgim të të akuzuarve

Këshilli Penal e ka refuzuar si të pabazë kërkesën e Prokurorisë Publike për parashtrim të masës së paraburgimit ndaj gjashtë të akuzuarit për aksidentin e autobusit “Durmo Turs”, më 13 shkurt të 2019, ku mbetën të vdekur 16 persona, dhe u lënduan 38 të tjerë, transmeton Portalb.mk.

“Duke vepruar ndaj propozimit të Prokurorisë Themelore Publike për parashtrim të masës së paraburgimit për gjashtë persona, të përfshirë në aktakuzën për aksidentin i cili më 13.02.2019 ndodhi në fshatin Llaskarcë, Këshilli Penal në kuadër të Gjykatës Penale – Shkup, pas shqyrtimit të fakteve dhe dëshmive në propozim, ka sjellë vendim, me çka propozimin e Prokurorisë për parashtrim të masës së paraburgimit e ka refuzuar si të pabazë, dhe e ka vazhduar masën e arrestit shtëpiak edhe për 30 ditë“, njoftuan nga Gjykata Penale.

Nga atje kanë shtuar se, në lidhje me aktakuzën, e njëjta është përcjellë për vlerësim te këshilli për vlerësim të aktakuzës i cili duhet të caktojë seancë, dhe pas miratimit të vendimit, palët dhe publiku do të njoftohet me kohë.

Përndryshe, në aktakuzën që e ngriti Prokuroria në lidhje me aksidentin ku ndërruan jetë 16 persona, dhe u lënduan 38 të tjerë, të dyshuar se kanë kryer vepra penale “Vepra të rënda kundër sigurisë së personave dhe pronës në komunikacion” janë dy persona – udhëheqës të kompanisë transportuese, tre persona – punëtorë të stacionit të kontrollit teknik dhe vozitësi.

Duke e vlerësuar se mund të ekzistojë rrezik nga arratia, PTHP-ja njoftoi se deri te Gjykata Penale në Shkup ka dorëzuar edhe propozim të veçantë që gjatë të akuzuarve, të cilët për momentin gjenden në arrest shtëpiak, t’iu parashtrohet masë e paraburgimit, mirëpo kjo gjë nuk u pranua.

GJITHÇKA NË LIDHJE ME RASTIN TRAGJIK LEXO: KËTU

• LEXO: Prokuroria ngriti aktakuzë për aksidentin e “Durmo Turs”-it, detaje të reja nga parregullsitë
• LEXO: Katër muaj nga aksidenti në Llaskarcë, Prokuroria ende pa aktakuzë
• LEXO: Tre muaj nga aksidenti në Llaskarcë: Prokuroria pa aktakuzë, për Vankovskën i “verifikon faktet”
• LEXO: Aksidenti në Llaskarcë, edhe i dyshuari i fundit doli nga Shutka
• LEXO: 7 persona të arrestuar për aksidentin në Llaskarcë, shkaku: Shpejtësia e madhe dhe frenat e prishur të autobusit