Pompeo: Të ndiqet shembulli i Kosovës në rastin e Hezbollahut
Sekretari amerikan i Shtetit, Mike Pompeo, përmes një postimi në Twitter ka thënë se SHBA mirëpret vendimin e Kosovës që e cilëson Hezbollahun si organizatë terroriste.
Pompeo ka thënë se me mbështetjen e Iranit, Hezbollahu po vazdhon të planifikojë sulme në Evropë, transmeton KossovaPress.
Ai ftoi edhe vendet e tjera që të ndjekin shembullin e Kosovës dhe ta ndalojnë këtë grup terrorist.
“SHBA mirëpret njohjen e Hezbollahut nga Kosova si një organizatë terroriste. Me mbështetjen e Iranit, Hezbollahut vazhdon të planifikojë sulme në Evropë dhe në mbarë botën. Ne i bëjmë thirrje të tjerëve të bashkohen me Kosovën dhe ta ndalojnë këtë grup terrorist nga financimi i operacioneve të tij të përgjakshme”, ka shkruar Sekretari amerikan i Shtetit.