Dy supersfida sonte në Copa Amerika
Brazili pas fitores kundër Paraguait, siguroi vendin për në gjysmëfinale, njofton Portalb.mk. Sonte do të dihen edhe dy gjysmëfinalistët tjerë.
Në ora 21:00, Kombëtarja e Argjentinës e udhëhequr nga Lionil Mesi do të përballet kundër ekipit të Venezuelës. Venezuela shpreson në rezultat pozitiv, duke u bazuar në rezultatet e dobëta të Argjentinës në ndeshjet e grupit.
Çerekfinalja tjetër, Kolumbia-Kili që do të luhet në mesnatë, në ora 01:00, pritet të jetë një supersfida. Të dy ekipet në dispozicion kanë shumë futbollist të mirë, prandaj pritet një ndeshje atraktive.
Ndeshjet gjysmëfinale do të luhen me 3 dhe 4 korrik, ndërsa finalja do të luhet me 7 korrik. Përndryshe, në Copa America “Brazil 2019” do të luhet edhe për vendin e tretë, më 6 korrik.