fbpx

Shkup: Një person ka humbur jetën dhe dy policë janë plagosur pasi i ka goditur një kamion

Ka ndodhur aksident i rëndë trafiku në Shkup, ku një person ka humbur jetën dhe tre janë plagosur. Ndër të plagosurit janë dy policë, njofton Makfaks.

Sipas gjetjeve të para të Prokurorisë Publike në Shkup, aksidenti ka ndodhur kur një patrullë e policisë së trafikut ka ndaluar një automjet BMW me targa të Gostivarit që po ngiste me shpejtësi më të madhe se sa lejueshme.

Ndërsa zyrtarët e policisë bisedonin me shoferin e makinës, një kamion me regjistrim të Shkupit i ka goditur ata. Nga goditja, automjeti BMW ka marrë flakë dhe është djegur plotësisht. Kështu, në vend, ka humbur jetën pasagjeri në makinë.

Me urdhër të prokurorit publik, autopsia do të kryhet mbi personin e vdekur, ndërsa mostra të gjakut dhe urinës do të merren nga shoferi i kamionit me qëllim të shqyrtimit të pranisë së alkoolit ose substancave të tjera që mund të ndikojnë në aftësinë e tij për të menaxhuar një automjet.

Një inspektim i jashtëzakonshëm teknik do të kryhet në kamion me qëllim të përcaktimit të shkaqeve të aksidentit.

Lajme të ngjashme

Leave a Reply

Your email address will not be published. Required fields are marked *

Back to top button