Meta do ta aktivizojë ushtrinë më 30 qershor nëse bëhet përpjekje për mbajtjen e zgjedhjeve
Pasi i takoi paraditen e sotme në pallatin e Brigadave dhe diskutuan për më shumë se dy orë lidhur me krizën politike dhe veçanërisht për vendimin e tij për shtyrjen e zgjedhjeve, Presidenti Ilir Meta u ka dërguar një letër ambasadorëve, shkruan Gazeta Shqip.
Kreu i Shtetit në letër i tregon ambasadorëve arsyen pse shtyu zgjedhjet dhe u ka treguar një memo mbi argumentet duke theksuar se shqiptarët nuk do të votojnë në 30 qershor.
Ndërkohë bisedën mes tyre, Presidenti ka përsëritur të njëjtat motive për revokimin e datës së zgjedhjeve, madje duke u kujtuar ambasadorëve se akti i shkarkimit që ka ndërmarrë qeveria për të është një grusht shteti.
Sipas shpejgimeve të Presidentit, atij i kanë ardhur informacione nga shërbime të huaja.
Ndër të tjera ai ka premtuar se do të tentojë të ulë në tryezë për të gjetur një zgjidhje, Ramën dhe Bashën, e nëse ia del do të kërkojë anulimin e protestës së opozitës parashikuar për t’u zhvilluar më 21 qershor.
