Rrëfimi i gruas që përjetoi tmerrin në fluturimin Prishtinë – Bazel: Mendova se do të vdisnim
Mirjeta Basha qëndroi për dy ditë në Kosovë. Ajo që ishte planifikuar të jetë një pushim i shkurtër relaksues, përfundoi si një tmerr i vërtetë.
Gjatë kthimit për në shtëpinë e saj në Bazel të dielën, 31 vjeçarja nga Aargau përjetoi tmerrin dhe pa vdekjen me sy, bashkë me pasagjerët tjerë, shkruan Blick.
“Filloi 10 minuta pasi aeroplani u ngrit në qiell”, u shpreh Basha për Blick. Krejt rastësisht aeroplani i agjencisë bullgare ALK filloi të dridhej. Dridhjet bëheshin gjithnjë e më të forta.
This is the moment a flight attendant was thrown to the ceiling of the plane after violent turbulence.
Ten people had minor injuries on the flight from Pristina to EuroAirport Basel.
For the latest videos, head here: https://t.co/hhDQuQ1top pic.twitter.com/q55fSGl1dQ
— Sky News (@SkyNews) June 17, 2019
Njerëzit egërsisht brohoritnin të frikësuar për jetën e tyre, mendova se do të vdisnim të gjithë”, ka shtuar Basha.
Ekipi në kabinën e aeroplanit tentoi që përkundër turbulencave të mëdha të qetësojnë pasagjerët. Por, për Mirjeta Bashën situata nuk ishte aspak normale. Ajo ngrit telefonin dhe filmoi horrorin e fluturimit nga vendi ku ajo po qëndronte.
Nga video e saj shihet se sa fuqishëm aeroplani i saj i tipit Boeing B737-300 dridhej. Një pasagjere që ishte duke ecur nëpër aeroplan me pije, rastësisht përplaset në dysheme teksa pijet bien mbi pasagjerët tjerë.
Në Bazel prisnin autoambulanca dhe ekipe të zjarrfikësve. Një tjetër grua e cila ishte në udhëtimin horror nga Prishtina drejt Baselit, po ashtu u shpreh në Facebook: “Gjësendet fluturonin përreth nesh, kurse rripat po këputeshin. Njerëzit ishin të lënduar dhe të tjerë të përgjakur”.
