Ka reaguar dhe kryeministri Rama ndaj deklaratave të Pendarovskit për eurointegrimet e dy vendeve fqinje
Pas deklaratave të bëra nga Presidenti i Maqedonisë së Veriut, Stevo Pendarovski, i cili i ka kërkuar Këshillit Europian që vendi i tij të “ndahet” nga Shqipëria për të nisur procesin e hapjes së negociatave, ka reaguar edhe kryeministri shqiptar, Edi Rama, transmeton Portalb.mk.
Kryeministri Rama këtë kërkesë të Presidentit të vendit fqinj e konsideron si të çuditshme, ndërsa kujton kontributin kyç të Shqipërisë dhe qytetarëve të saj në zhvillimet demokratik të vendit fqinj.
Shefi i qeverisë shton se kjo kërkesë e Presidentit të Maqedonisë së Veriut nuk duket as e drejtë dhe as praktike.
“Presidenti @SPendarovski nënkupton favorizimin e ndarjes nga Shqipëria në vendimin për negociatat?Çudi kjo qasje, sidomos kur konsideron kontributin kyç të Shqipërisë&shqiptarëve në zhvillimet demokratike&rrugën europiane të shtetit mik.S’duket as e drejtë as praktike faktikisht!”, shkruan Rama.
Presidenti @SPendarovski nënkupton favorizimin e ndarjes nga Shqipëria në vendimin për negociatat?Çudi kjo qasje, sidomos kur konsideron kontributin kyç të Shqipërisë&shqiptarëve në zhvillimet demokratike&rrugën europiane të shtetit mik.S’duket as e drejtë as praktike faktikisht!
— Edi Rama (@ediramaal) June 15, 2019
Përndryshe, në një intervistë për “Euroactiv”, presidenti i RMV-së, Stevo Pendarovski deklaroi se, në procesin e marrjes së datës për nisjen e negociatave qasëse të RMV-së me BE-në, sfidë mbetet ndarja e të parës nga Shqipëria.
- LEXO: Bushati e kundërshtoi Pendarovskin: Ndarja do të ishte gabim strategjik për BE-në
- LEXO: Presidenti Pendarovski për datën i kërkoi Brukselit: Na ndani nga Shqipëria
- LEXO: Cakaj vazhdon angazhimin në Paris për hapjen e negociatave për Shqipërinë
