Kosova i “vjedh” Gjermanisë një tjetër super talent

Kosova po bën paraqitje fantastike në eliminatoret për Kupën e Botës, por kjo nuk e ndalon që të vijojë projektet për ndërtimin e një kombëtareje të frikshme. Në prezantimin e projektit të stadiumit të ri, presidenti i Federatës Kosovare të Futbollit (FFK), Agim Ademi, konfirmoi se bisedimet për disa futbollistë për t’u veshur me fanellën e Dardanëve vazhdojnë, shkruan

Afrimi i radhës pritet që të jetë mesfushori i Hannover, Florent Muslija, i cili është 20 vjeç dhe ka luajtur për moshat e Gjermanisë. “Jemi në bisedime me shumë lojtarë. Muslija ndoshta do të jetë i pari që pritet të na bashkohet. Tashmë edhe me këto rezultate që po vijnë është interesi i secilit t’i bashkohet Kosovës”, deklaroi Ademi.