Liberalët në Parlamentin Evropian ndryshojnë emrin

Aleanca e Liberalëve dhe Demokratëve për Evropën (ALDE), grupi i tretë më i madh në Parlamentin Evropian (PE), ka njoftuar se ka ndryshuar emrin e saj në Rinovo Evropën (Renew Europe), transmeton Anadolu Agency.

Në një mesazh të postuar në llogarinë zyrtare të ALDE njoftohet se emri i grupit është ndryshuar si Rinovo Evropën (Renew Europe).

Liberalët arritën sukses të madh në zgjedhjet e fundit, duke marrë 37 vende më shumë në krahasim me zgjedhjet e mëparshme të PE-së. Ata arritën të fitojnë 105 vende dhe u bënë grupi i tretë më i madh në Parlamentin Evropian.

Në zgjedhjet e PE-së të zhvilluara mes datave 23-26 maj në 28 shtetet anëtare të BE-së, Partia Popullore Evropiane (PPE) e qendrës së djathtë dhe Social demokratët (S&D) e qendrës së majtë humbën vende, ndërsa u fuqizuan partitë e djathta populiste, liberalët dhe të gjelbrit.

Parlamenti me gjithsej 751 vende do të fillojë periudhën e detyrës së re më 2 korrik.

Lajme të ngjashme

Leave a Reply

Your email address will not be published. Required fields are marked *

Back to top button