Përvjetori i lirisë së Kosovës

Kosova shënon sot 20-vjetorin e hyrjes ushtarake të NATO-s, përkatësisht trupave shumëkombëshe të KFOR-it. Kjo ditë, shënohet edhe si Dita e Çlirimit të Kosovës, njofton REL.

Si datë e cilësuar historike, autoritetet në Prishtinë kanë ftuar që të marrin pjesë në këtë jubile, edhe ish-presidentin amerikan Bill Clinton, ish-sekretaren e shtetit Madeline Albright, gjeneralin amerikan Wesley Clark dhe shumë personalitete tjera që ndihmuan në çlirimin e Kosovës.

Gjenerali amerikan, Wesley Clark, përmes një postimi në Twitter të hënën, tha se mezi pret t’i bashkohet ish presidentit amerikan Bill Clinton në ceremoninë e 20 vjetorit të çlirimit të Kosovës.

I am looking forward to joining you tomorrow President @BillClinton in #Kosovo for this special occasion. https://t.co/ZybEUI2zg1

— Wes Clark (@GeneralClark) June 11, 2019