KS i OKB-së ka miratuar rezolutën për çështjen e personave të zhdukur

Këshilli i Sigurimit i Kombeve të Bashkuara ka miratuar njëzëri rezolutën për personat e zhdukur në situata të konflikteve, njofton REL.

Vetëm në vitin 2018, sipas Komitetit Ndërkombëtar të Kryqi të Kuq, llogariten mbi 45.000 persona të zhdukur në konflikte, anë mbanë botës.

Kryetari i Komitetit, Peter Maurer, i tha Këshillit të Sigurimit se të dhënat e vitit të kaluar “janë maja e Ajsbergut, dhe nuk paraqesin shtrirjen e vërtetë të problemit, dhe as vuajtjet e secilës familje”.

Komitetit Ndërkombëtar të Kryqi të Kuq ishte mandatuar nga Konventat e Gjenevës, për të mbikëqyrur çështjen e personave të zhdukur.

Maurer tha se për zgjidhjen e kësaj çështje nevojitet “vullnet i fortë politik dhe bashkëpunim” nga palët që gjenden në konflikte.

Rezoluta e hartuar nga Kuvajti u bën thirrje palëve të kërkojnë dhe të mbajnë llogari për të gjithë të zhdukurit.

Lajme të ngjashme

Leave a Reply

Your email address will not be published. Required fields are marked *

Back to top button