Agron Duka tregon ‘armiqtë’ e tij: Së shpejti në përgjime, edhe emri i Ramës
Publikimi i përgjimeve të reja nga “Dosja 399” nga e përditshmja gjermane “Bild” për përfshirjen e “të fortëve” në ndikimin e rezultatit të zgjedhjeve në 2017-ën, në qarkun e Durrësit, transmeton TopChannel.tv
I pyetur se cilët ishin “armiqtë e tij politik” që kërkonin që Agron Duka të mos kalonte në Kuvend, kreu i Partisë Agrare Ambientaliste, u përgjigj: “Unë jam një njeri që kam vota në zotën time. Edhe kur isha me të majtën, ka pasur edhe një ndikim ndikim brenda krahut politik që unë të isha në hije. Besoj se si Rama edhe Dako nuk më kanë dashur. Këta të dy nuk i ndaj”.
Ai më tej vijoi se nëse përgjimet do të vijojnë do të dalin edhe telefonata ku përfshihet Rama.
“Jam i sigurt që nëse përgjimet do të vijojnë do të dalë edhe emrin i Ramës. Nuk mund të veprojë i vetëm Dako. Nuk ka mundësi që të kenë pasur lidhje pa bekimin e shefit të madh. E pamundur që Rama të mos dinte gjë. Ai i inkurajoi deri sa kjo punë mori dhenë, e do i dalë era akoma më shumë”, u shpreh Duka.
LEXO: “BILD” publikoi përgjimet, Astrit Avdylaj telefonatë me Dakon: Ke qenë me Ramën, je knaq
