Presidenti amerikan Donald Trump do të takojë kryeministren britanike
Presidenti i Shteteve të Bashkuara, Donald Trump, do të takojë sot kryeministren e Britanisë së Madhe, Theresa May. Trump ndodhet për vizitë triditëshe shtetërore në Mbretërinë e Bashkuar.
Sekretari i Jashtëm britanik, Jeremy Hunt, do të jetë në mesin e ministrave të pranishëm në bisedime.
Ndërkohë sot janë paralajmëruar edhe protesta në disa qytete të Britanisë.
Sondazhet e opinionit publik tregojnë se presidenti i SHBA-së është majft i papëlqyeshëm në mesin e britanikëve.
Udhëheqësi i Partisë opozitare Laburiste, Jeremy Corbyn, do t’iu adresohet protestuesve në tubimin në Londër.
Të hënën, Trump mori pjesë në një banket shtetëror në Pallatin Bukinghem, ku lavdëroi, siç tha, miqësinë e përjetshme midis Mbretërisë së Bashkuar dhe Shteteve të Bashkuara.
Mbretëresha britanike, Elizabeth, tha se dy vendet kremtojnë aleancën, e cila ka garantuar sigurinë dhe prosperitetin e dy popujve për dekada.
