Mënyra më e thjeshtë për të realizuar ‘smokey eye’ si një profesioniste e vërtetë

Kush nga ne vajzat nuk është përpjekur të paktën një herë të provojë të bëjë vetë një “smokey eye”? Edhe pse, duhet të themi që këto përpjekje në shumicën e rasteve janë të dështuara. “Smokey eye” duket shumë bukur, sidomos gjatë mbrëmjes kur duam ta rëndojmë pak më shumë grimin, por realizimi i tij nuk është diçka e lehtë, shkruan Class. Si gjithmonë, ne jemi këtu për t`ju ndihmuar dhe për t`ju lehtësuar jetën! Më poshtë po ju tregojmë një mënyrë të thjeshtë për të realizuar “smokey eye” nëse jeni fillestare.

Hapi 1: Aplikoni primer

“Smokey eye” kërkon shumë tone, prandaj është i domosdoshëm primeri në mënyrë që tonet të qëndrojnë dhe të mos bien. Po ashtu, primeri ndihmon në njëtrajtësimin e ngjyrës së kapakëve të syve.

Hapi 2: Krijoni bazën

Aplikoni ton kremoz nga rrënjët e qerpikëve në të gjithë kapakun e syrit.

Hapi 3: Vijëzoni

Aplikoni laps të zi përgjatë vijës së qerpikëve. Mos u shqetësoni nëse vija nuk del perfekte, pasi do ta sfumoni me një furçë për t`i dhënë efektin “smokey”.

Hapi 4: Vijëzoni sërish

Vijëzoni sërish, por kësaj radhë në pjesën e poshtme të syrit.

Hapi 5: Mos harroni qerpikët

Përdorni një kthyes qerpikësh dhe më pas vendosni rimelin. Vendosni tri shtresa rimel (ose sa ta shihni të arsyeshme) dhe më pas përdorni një krehër qerpikësh për t`i ndarë nga njëri-tjetri.

Hapi 6: Highlighter-i

Në fund, mos harroni highlighter-in. Përdorni një highlighter metalik në qoshet e syve dhe prej andej përhapeni në të gjithë kapakun. Highlighter-i u jep shkëlqim syve tuaj dhe i bën ata të duken më të mëdhenj dhe më të hapur.

Burimi: Elle