fbpx

Është hapur procedurë para hetimore për kompaninë Nefa Mebel

Policia Financiare do të hetojë bankrotimin e kompanisë “Nefa Mebel” e cila mashtroi shumë qytetarë. Disa nga klientët mbetën pa mobilet e porositura ndërsa nuk iu kthyen as paratë për të njëjtat, përcjell Alsat M.

“Hapim procedurë para hetimore bazuar në informatat e mediave. Njëkohësisht Inspektorati i Tregut kërkon që të kyçet në hetimet për mashtrimin e qytetarëve të Republikës së Maqedonisë së Veriut”– njoftojnë nga Policia Financiare.

Më shumë se 15 qytetarë mëngjesin e sotëm janë lajmëruar në Inspektoratin e tregut për mashtrime nga kompania Nefa Mebel. Ndërkohë inspektorë në gjithë Maqedoninë kanë dalë në terren për të evidentuar se çfarë mobiliesh dhe kapitali posedon firma. Një ditë më parë Organizata e Konsumatorëve ka këshilluar që secili prej qytetarëve të cilët janë mashtruar nga kjo kompani individualisht të denoncojë në Inspektoratin Shtetëror të Tregut dhe menjëherë të angazhojë avokat.

Kujtojmë se në Maqedoni, kompania ka 3 dyqane në Shkup – në Siti Moll, Kapitoll Moll dhe QTQ, dhe në Veles, Gostivar, Prilep, Manastir, Tetovë, të cilat para disa ditësh  të gjithë menjëherë janë mbyllur, ndërkaq blerësit thonë se shitësit që kanë qenë brenda nuk kanë mundur të marrin informata se si t’i marrin porositë.

Pronari i kompanisë ruse “Split” e cila e prodhon mobilet që e shet “Nefa”, përpara disa ditëve natën ka ikur nga Vranje dhe Samobor dhe ka lënë borxhe dhe 550 punëtorë pa punë në fabrikë dhe 34 dyqane nëpër Serbi.

LEXO:U mësua identiteti i personit që shkaktoi skandalin me “Nefa Mebel”-in

LEXO:Është mbyllur “Nefa Mebel” në Maqedoni dhe Serbi, blerësit janë mashtruar, nuk i kanë marrë porositë

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close