Meksikë, dha dorëheqje ministrja pasi u vonua për në avion

Ministrja e Mjedisit dhe Burimeve Natyrore e Meksikës, Josefa Gonzalez-Blanco, ka dhënë dorëheqje si pasojë e reagimeve të pasagjerëve pas lënies së avionit të presë më shumë se gjysmë ore për shkak të vonesës së saj gjatë një udhëtimi të punës, transmeton Anadolu Agency (AA).

“Nuk ka asnjë arsyetim. Meksika ka nevojë pajtim. Transformimi i vërtetë i Meksikës kërkon harmoni të plotë mbi barazinë dhe drejtësinë. Askush nuk është i privilegjuar. Benefiti i një personi nuk duhet të jetë mbi mirëqenien e shumicës, qoftë edhe nëse bëhet fjalë për të kryer një funksion”, është shprehur Blanco në median sociale, duke shpjeguar arsyen e dorëheqjes.

Ndryshe, Josefa Gonzalez-Blanco është zyrtarja e dytë e lartë që jep dorëheqje brenda një jave. Të martën e kaluar, drejtori i Institutit të Sigurimit Social të Meksikës, German Martinez Cazares, njoftoi dorëheqjen nga posti për shkak të shkurtimeve buxhetore në sistemin shëndetësor dhe uljes së shpenzimeve për personelin.