Autobusi udhëtues i BE-së nga sot do të udhëtojë nëpër vend me rastin e Ditës së Evropës 2019
Si pjesë e fushatës “BE-ja për Ty”, autobusi i BE-së me përfaqësues të Delegacionit të Bashkimit Evropian, ambasadorë të disa Shteteve Anëtare të BE-së, studentë dhe përfaqësues të mediave do të vizitojnë 8 qytete në mbarë vendin në periudhën 20-31 maj 2019.
Qëllimi i autobusit udhëtues të BE-së, organizuar nga Delegacioni i Bashkimit Evropian, është të themelojë komunikim të drejtpërdrejtë me të gjithë qytetarët dhe të dëgjojë shpresat dhe shqetësimet e tyre mbi Bashkimin Evropian dhe ardhmërinë evropiane të Maqedonisë së Veriut.
Qytetarët do të kenë mundësi që të parashtrojnë pyetje lidhur me Bashkimin Evropian, procesin e aderimit në BE, mundësitë për financim nën IPA dhe programet tjera të BE-së për ndihmë, nëpërmjet komunikimit të drejtpërdrejtë me ekipin e autobusit të BE-së.
Vizitat përfshijnë debate me nxënës të shkollave të mesme mbi “Vizionin e rinisë për Bashkimin Evropian”, rodeo aktivitete me biçikleta për më të rinjtë, si dhe aktivitete tjera.
PROGRAMI I AUTOBUSIT TË BE-së
Qyteti | Ambasadori-ja | Data | Koha |
Kumanovë | Milan Jazbek, Slloveni | 20 maj (E hënë) | 10.00 |
Sveti Nikollë | kristijan Timonie, Francë | 21 maj (E martë) | 10.30 |
Vinicë | Samuel Zhbogar, BE | 22 maj (E mërkurë) | 11.00 |
Delçevë | Vouter Plomp, Holandë | 23 maj (E enjte) | 11.00 |
Strugë | Samuel Zhbogar, BE
Viorel Stanila, Rumani Mats Stafanson, Suedi |
27 maj (E hënë) | 12.00 |
Dibër | Danijela Barisiç, Kroaci | 29 maj (E mërkurë) | 11:00 |
Radovish | Angel Angelov, Bullgari | 30 maj (E enjte) | 11.00 |
Gevgjeli | Laszlo Duks, Hungari | 31 maj (E premte) | 11.30 |