Thaçi i kërkon Quintit unitet për Kosovën

Presidenti Hashim Thaçi ua ka shprehur të mërkurën “habinë” ambasadorëve dhe shefave të zyrave dhe misioneve ndërkombëtare në Kosovë, për organizimin e samitit të Berlinit pa u koordinuar me Shtetet e Bashkuara të Amerikës.

Atyre u ka thënë se edhe uniteti i brendshëm politik në Kosovë sigurohet kur shtetet e Quintit do të flasin me një zë rreth zgjidhjes finale, shkruan sot Koha Ditore.

Në fund të marsit, me ftesë të kancelares gjermane, Angela Merkel, dhe presidentit francez, Emmanuel Macron, liderët e vendeve të Ballkanit Perëndimor janë ftuar në një samit, i ndarë në dy pjesë: në të parën është diskutuar për procesin e integrimit evropian, kurse në të dytën ekskluzivisht për dialogun ndërmjet Kosovës dhe Serbisë.

Kosova është përfaqësuar pa një zë unik, ngaqë presidenti Hashim Thaçi dhe kryeministri Ramush Haradinaj që ishin në samit mbajnë qëndrime të ndryshme për zgjidhjen. Kreu i shtetit ka pranuar që pjesë e diskutimeve të bëhen edhe kufijtë, gjë që kategorikisht është refuzuar nga kryeministri.

Ndërkaq, disa zyrtarë perëndimorë më herët kanë shprehur qëndrimin për të pranuar çfarëdo zgjidhjeje të dakorduar mes palëve, qoftë edhe të tillë që i prek kufijtë, por Gjermania ka qenë konsistente në qëndrimin kundër.

Lajme të ngjashme

Leave a Reply

Your email address will not be published. Required fields are marked *

Back to top button