E krahasoi djalin e Harry-Meghan me shimpazenë, u pushua nga puna prezantuesi i BBC
E krahasoi beben e porsalindur të çiftit Princ Harry-Meghan me një shimpanze, u shkarkua menjëherë. Nuk bëhet fjalë për një njeri dosido, por një personalitet radiofonik në Britaninë e Madhe, prezantuesin e BBC-së Danny Baker.
Shkak u bë një “cicërimë” në rrjetin social “Twitter”, që më pas u fshi, ku shfaqej një foto e një çifti që mbante prej duarsh një shimpanze të veshur me rroba, e që shoqërohej me fjalët “Bebja mbretërore del nga spitali”.
Sulmi ndaj fëmijës së Dukës dhe Dukeshës së Sussex shkaktoi një “lumë” kritikash, kryesisht sepse ironizohej me prejardhjen e dukeshës, nëna e së cilës Doria Ragland është shtetase afro-amerikane.
Shefat ekzekutivë të BBC-së u shprehën se prezantuesi tregoi “një gabim tejet serioz në gjykim”. Një gabim që e kupto edhe vet Baker, pavarësisht se me shumë vonesë, pasi dëmi tashmë ishte bërë.
Danny Baker@prodnoseJust got fired from @bbc5live.
For the record – it was red sauce. Always.
Statusin e tij, ai e quajti “një gabim të pafalshëm, padyshim”, teksa shtoi se kërkonte ndjesë. “Do të kisha përdorur të njëjtën foto të kotë edhe për çdo fëmijë tjetër nga familja mbretërore, apo për fëmijën e Boris Johnsonit, apo edhe për fëmijën tim. E mendova si një foto argëtuese, ndaj nuk ishte në kontekstin negativ”, u justifikua më tej ai.
Danny Baker@prodnoseOnce again. Sincere apologies for the stupid unthinking gag pic earlier. Was supposed to be joke about Royals vs circus animals in posh clothes but interpreted as about monkeys & race, so rightly deleted. Royal watching not my forte.
Also, guessing it was my turn in the barrel.
Baker, 61 vjeç, prezantonte një shfaqje në fundjavë në BBC Radio 5, për të cilën ka fituar edhe shumë çmime, qoftë për shfaqjen, ashtu edhe për veten si personalitet radiofonik./tch/
