Vazhdon ende rivaliteti i Barcelonës me PSG-në për Willianin
Barcelona po e rivalizon fuqishëm Paris Saint Germain për mesfushorin e Chelseat, Willian.
Reprezentuesi i Brazilit është objektiv kryesor i skuadrës së parisienëve, por katalunasit dëshirojnë ta bëjnë për vete lojtarin që këtë sezon nuk ka pas shumë paraqitje te londinezët, transmeton Telegrafi.
PSG është e prirur për të diskutuar një shkëmbim të mundshëm që përfshin Julian Draxlerin, ndërsa Barca është i lumtur të flasë me para të gatshme.
Sipas mediave në Spanjë, blaugranat janë të gatshëm të ndajnë rreth 35 milionë euro për 30-vjeçarin e The Blues.
Ndryshe, mesfushori deri më tani ka pasur 197 paraqitje për anglezët dhe ka shënuar 28 gola në të gjitha garat.
