Lot dhe dhimbje! U nderua në Letoni ushtarakja shqiptare që humbi jetën
Gjatë paradites së sotme është zhvilluar një ceremoni nderimi për Nëntetetaren shqiptare Zarife Hasanaj që ndërroi jetë dje në Letoni ku nuk munguan lotët e kolegëve, shkruan Koha.
Ceremonia u zhvillua në kampin “Adazi”, ku të pranishëm ishin edhe ushtarakë nga Shqipëria, pjesë e misionit të NATO-s në këtë shtet.
Nëntetarja Zarife Hasanaj humbi jetën pas shpërthimit të një eksplozivi që kishte mbetur aty nga stërvitja e një vendi tjetër të NATO-s.
Nga shpërthimi mbetën të plagosur edhe Major Klodian Tanushi dhe Rreshter Julian Kapaj.
Hasanaj ishte sëbashku 8 efektivë të tjerë shqiptarë në Letoni si pjesë e grupit xhenier për demontimin e minave, të cilët po marrin pjesë në misionin e NATO-s.