Bajrami: Dita zgjedhore kaloi në rendin më të mirë pa parregullsi
Për Prokurorinë publike dita e sotme zgjedhore ka kaluar qetë dhe pa parregullsi të mëdha, përcjell Portalb.mk.
“Dita e sotme zgjedhore kaloi në rendin më të mirë sa I përket kompetencave në bazë të të cilave mund të veprojë Prokuroria, me përjashtim të një rasti në fshatin Drugovo ku është fotografuar një fletëvotim dhe nga ana e prokurorit publik është marrë telefoni celular dhe është dërguar për ekspertizë”, deklaroi prokurori publik Xhelal Bajrami.
Në pyetjen e gazetarëve nëse deri tek prokuroria kanë arritur paraqitje nga ana e partisë opozitare për parregullsi gjatë procesit të votimit, Bajrami shtoi se përveç rastit në fshatin Drugovo, deri te Prokuroria nuk ka parashtresa për ndonjë parregullsi tjetër.