Kiracovski: Kishim ditë të qetë zgjedhore, kryeson Pendarovski (VIDEO)
Sekretari i përgjithshëm i LSDM-së dhe shef i shtabit zgjedhor, Aleksandar Kiracovski menjëherë pas mbylljes së kutive të votimit, doli me press konferencën e parë për media, duke e vlerësuar procesin zgjedhor të pastër, demokratik, fer dhe të lirë, përcjell Portalb.mk.
“ I kemi edhe të dhënat e para, Stevo Pendarovski është në udhëheqje dhe presim fitore. Presim që edhe pjesëmarrësit e tjerë në procesin zgjedhor të japin mirënjohje për mbarëvajtjen e qetë të procesit zgjedhor. Askush të mos mundohet përmes lajmeve të rrejshme të kërkojë alibi për rezultatin eventual të padëshiruar nga zgjedhjet”, deklaroi Kiracovski.
