Knausi: Makroni kundër ndryshimit etnik të kufijve

Kancelarja gjermane, Angela Merkel, bashkë me presidentin francez, Emanuel Makron, pritën gjatë ditës së djeshme liderët e gjashtë shteteve të Ballkanit Perëndimor, si dhe liderët e Kroacisë e Sllovenisë, në Samitin e Berlinit.

Në orët e pasdites u zhvillua takimi kryesor formal i ngjarjes, ndërsa në orët e mbrëmjes u shtrua një darkë për pjesëmarrësit, raporton Koha.net.

Gerald Knaus, kryesues i Iniciativës Evropiane për Stabilitet (ESI), përmes një postimi në “Twitter”, tha se mbrëmë, në darkën e Samitit të Berlinit, presidenti francez Emanuel Makron, kishte një mesazh të fuqishëm për liderët e mbledhur ballkanikë: “Nuk mund të ketë ndryshime etnike të kufijve. Multietniciteti duhet të mbrohet në Ballkanin Perëndimor”.

Vet Knausi vlerëson se ky është një lajm i mirë që e bën takimin e Berlinit me vlerë.