Trampi propozoi ratifikimin e Protokollit për anëtarësim të RMV-së në NATO
Presidenti i Shteteve të Bashkuara të Amerikës (SHBA), Donald Tramp sot ka dërguar për ratifikim Protokollin për anëtarësim të Republikës së Maqedonisë së Veriut (RMV) në NATO, përcjell Portalb.mk.
Në letrën e Trampit drejtuar Senatit, thuhet se RMV-ja është partner i SHBA-së në fushën e sigurisë dhe anëtarësimi i saj në NATO është interes strategjik për SHBA-në dhe Aleancën e NATO-s.
Siç njoftojnë nga Shtëpia e Bardhë, nënshkrimi i Protokollit do t’i mundësojë RMV-së të bëhet anëtare e NATO-s.
LEXO: Polonia dhe Sllovakia e ratifikuan Protokollin për hyrjen e Maqedonisë së Veriut në NATO
Shteti i parë që e ka ratifikuar marrëveshjen ishte Greqia, ndërkaq më pas Sllovenia, Shqipëria, Bullgaria, Kroacia, Mali i Zi, Romania, Lituania, Danimarka dhe tani, Polonia dhe Sllovakia.
Ndryshe, protokolli për anëtarësim në NATO është nënshkruar më 6 shkurt në Bruksel, pas zgjidhjes së kontestit me Greqinë për ndryshimin e emrit dhe nënshkrimin e Marrëveshjes së Prespës. Pasi të gjitha vendet anëtare të NATO-s ta ratifikojnë Protokollin në Kuvendet e tyre, Maqedonia e Veriut do të bëhet anëtarja e 30 e NATO-s.
LISTA E VENDEVE QË DERI MË TANI E KANË RATIFIKUAR PROTOKOLIN
- Bullgaria e ratifikoi Protokollin për anëtarësimin e Republikës së Maqedonisë së Veriut në NATO
- Greqia e ratifikoi protokollin për anëtarësimin e Maqedonisë në NATO
- Sllovenia e ratifikoi Protokollin për anëtarësim të Maqedonisë në NATO
- Shqipëria e ratifikoi Protokollin e Maqedonisë së Veriut, me një minutë heshtje e filloi seancën (VIDEO)
- Kroacia e ka miratuar Protokollin për anëtarësimin e Maqedonisë së Veriut në NATO
- Mali i Zi e ratifikoi Protokollin për hyrjen e Maqedonisë së Veriut në NATO
- Rumania e nënshkroi Protokolin për anëtarësim të RMV-së në NATO, nesër do ta nënshkruajë Lituania
- Lituania e nënshkroi Protokollin për anëtarësimin e Maqedonisë së Veriut në NATO
- Danimarka e ratifikoi Protokollin për anëtarësimin e Maqedonisë së Veriut në NATO
-
Sllovakia e ratifikoi Protokollin për hyrjen e Maqedonisë së Veriut në NATO