Pakistani me plan për vendosjen nën kontroll të shkollave fetare

Zëdhënësi i ushtrisë së Pakistanit njoftoi për planin e autoriteteve të këtij vendi për të vendosur nën kontrollin e qeverisë të rreth 30 mijë shkollave fetare në vend.

Kjo masë ndërmerret në vazhdën e përpjekjeve për të luftuar ekstremizmin në Pakistan, transmeton REL.

Majori, Asif Ghafoor tha se miliona studentë aktualisht marrin vetëm arsimim fetar, mirëpo pasi këto shkolla të integrohet atëherë ata do të kenë mundësi të marrin edhe arsimim bashkohor.

Në Pakistan disa prej shkollave fetare janë parë si burim i radikalizmit.

Ende nuk ka pasur asnjë reagim nga këto qendra të arsimimit të cilat janë të lidhura me grupe të ndryshme fetare pakistaneze dhe të cilat, deri më tani, kanë kundërshtuar çdo formë të kontrollit qeveritar.