“Megjashi” e feston 27 vjetorin e ekzistimit
Ambasada e parë e fëmijëve në botë “Megjashi” sot e feston 27 vjetorin e saj. Megjashi është organizata më e vjetër qytetare në vend për mbrojtjen e të drejtave të fëmijëve, e themeluar më 29 maj të vitit 1992 në Shkup. Ajo i përfaqëson dhe mbron të drejtat e fëmijëve, përpiqet për prindëri përgjegjëse dhe respekt ndaj personalitetit të fëmijëve. Motija kryesore e saj është ” Të gjitha idealet e botës janë të pavlefshme nga lotët e një fëmije”, transmeton MIA.
Megjashi vazhdimisht punon në përforcimin e lëvizjes qytetare për të mirën e fëmijëve dhe funksionalitetin nga ana e institucioneve në interesin më të mirë të fëmijës. Ambasada e promovon aktivizmin paqësor dhe vullnetarizmin duke zhvilluar qytetërim aktiv të themeluar në parimin e jo dhunës.
“Në periudhën e fundit (1992-2019) Ambasada e realizon veprimtarinë e saj duke zbatuar monitorim të të drejtave të fëmijëve dhe promovim të të drejtave të fëmijës në Republikën e Maqedonisë dhe më gjërë, duke i përfaqësuar nevojat dhe interesat e fëmijëve para institucioneve dhe opinionit më të gjërë; duke ndërmarrë iniciativa për përparimin e rregullores ligjore për mbrojtjen e fëmijëve në Republikën e Maqedonisë dhe implementimin e saj si dhe aktivitetet për institucionalizim të arsimit paqësor. Këto fusha mbesin nga interesi primar edhe në periudhën e ardhshme”, thonë nga Megjashi.