Media shtetërore ruse nuk pranon të intervistojë drejtoren ekzekutive të kompanisë së makinave, pasi zbulon se është grua
Irina Reyder, drejtorja ekzekutive e filialit rus të shërbimit për përdorimin e përbashkët nga disa persona të makinave në udhëtim, BlaBlaCar, thotë se asaj iu anulua ftesa për një intervistë në kanalin shtetëror Channel One kur redaktori i programit mori vesh se ajo ishte grua, transmeton Global Voices.
Reyder shkroi rreth incidentit në faqen e saj në Facebook. Ajo thotë se po dëgjonte telefonatën mes redaktorit të Channel One dhe shefit të marrëdhënieve me publikun të BlaBlaCar dhe e regjistroi bisedën:
Kur shefi i marrëdhënieve me publikun i tha redaktorit se nuk kishin ekspertë meshkuj në kompani, thotë ajo, ky i fundit premtoi se do ta merrte dhe një herë në telefon pasi të konsultohej me producentin. Në një telefonatë tjetër, më vonë, i tha përfaqësuesit të BlaBlaCar se formati i materialit kishte ndryshuar dhe se do të intervistoheshin përdoruesit e shërbimit.
“Çfarë mendoni ju? Ekspertët e rinj do të jenë mjaftueshëm të aftë?”, iu drejtua Reyder me sarkazëm ndjekësve të saj.
Në një koment për TJournal, një faqe për teknologjinë dhe mediat sociale, zyra e shtypit e Channel t One nuk e mohoi vërtetësinë e bisedës, por këmbënguli se qasja nuk ishte seksiste. Megjithatë, shpjegimi i tyre nuk ofroi mbështetje të fortë për këtë pretendim:
Si qasja e gruas ndaj kursimeve është e ndryshme nga ajo e një burri, Channel One nuk e shtjelloi argumentin. Por publiku nuk u bind dhe përgjigjja e rrjetit televiziv u prit me kritika.
Л. Баттерс Стотч@L_StotchГенеральный директор BlaBlaCar Ирина Рейдер рассказала, что редактор программы «Доброе утро» на Первом канале отказался брать у нее комментарий для передачи, потому что она – женщина. Довольно неожиданно, что у Первого канала есть такие грани безумия, о которых мы ещё не знали
Drejtoresha e BlaBlaCar, Irina Reyder, tha se iu anulua ftesa për në emisionin Mirëmëngjes në Channel One nga redaktori kur ata kuptuan se ajo ishte grua. Është shumë e çuditshme që ka ende aspekte të çmendurisë së Channel One që ne nuk i dimë.
Pavarësisht reagimit të ashpër me të cilin u ndesh Channel One në internet, Rusia ende ka një rrugë të gjatë për të bërë në aspektin e barazisë gjinore. Rusia renditet e 75-ta mes 149 vendeve të anketuara nga Raporti Global i Gjinisë 2018 i Forumit Ekonomik Botëror, duke shënuar pikë pozitive për qasjen e barabartë në kujdesin shëndetësor dhe arsimin për gratë, por me mungesa në legjislacionin për mbrojtjen e të drejtave të tyre. Feministët rusë dhe mbështetësit e tyre shpesh përdorin mediat sociale dhe satirën për të nënvizuar zakonet dhe praktikat seksiste.
