Gjermania zotohet se do t’i qëndroj marrëveshjes bërthamore të Iranit
Gjermania ka riafirmuar angazhimin e saj ndaj marrëveshjes bërthamore me Iranin, pavarësisht nga veprimi i fundit i SHBA-ve për të imponuar sanksione ndaj vendeve që blejnë naftën iraniane, raporton Anadolu Agency (AA).
Zëdhënëse e zyrës së qeverisë gjermane, Ulrike Demmer, në një konferencë për media në Berlin tha se ata i kanë kushtuar vëmendje vendimit të fundit të administratës amerikane dhe se do të koordinohen me anëtarët e tjerë të Bashkimin Evropian (BE) për të vlerësuar së bashku implikimet e këtij vendimi.
“Siç e dini, qeveria federale gjermane dhe Bashkimi Evropian mbeten të përkushtuar ndaj marrëveshjes bërthamore me Iranin”, tha Demmer, duke shtuar se kjo marrëveshje do të lehtësoj tregtinë e ligjshme me Iranin në përputhje me ligjin ndërkombëtar dhe atë të BE-së.
Ajo theksoi se ata do të vazhdojnë të besojnë se kjo marrëveshje është një instrument shumë i rëndësishëm për të parandaluar Iranin të bëhet me armë bërthamore.
Presidenti i SHBA-ve, Donald Trump, vitin e kalaur u tërhoq nga marrëveshja e rëndësishme bërthamore e vitit 2015 me Iranin dhe intensifikoi edhe më tej presionin mbi Teheranin duke ri-imponuar sanksione mbi eksportet iraniane të naftës.
Të hënën, administrata Trump njoftoi se nuk do të përjashtoj nga sanskionet iraniane tetë vendet (Turqia, Kina, Greqia, India, Italia, Japonia, Koreja e Jugut dhe Tajvani), pas skadimit të tyre më 2 maj.
Në vitin 2015, fuqitë botërore ranë dakord të heqin sanksionet ekonomike të vendosura ndaj Iranit në këmbim duke u pajtuar me Iranin të kufizoj aktivitetin e saj bërthamor në qëllime paqësore dhe civile.
Marrëveshja e njohur po ashtu si Plani i Përbashkët Gjithëpërfshirës i Veprimit (JCPOA), u nënshkrua midis Iranit dhe fuqive të mëdha, Rusia, Kina, Franca, Mbretëria e Bashkuar, SHBA-të, si dhe Gjermania.
Megjithatë, pavarësisht tërheqjes së SHBA-ve nga marrëveshja, Gjermania, Franca dhe Mbretëria e Bashkuar kanë krijuar një mekanizëm të ri në muajin janar, duke u ofruar kompanive evropiane një kanal alternativ të pagesave për të vazhduar tregtinë me Iraninë, pavarësisht sanksioneve të SHBA-ve.
