MOST do të mbikqyrë zgjedhjet me më shumë se 1.500 vëzhgues

Asociacioni qytetar MOST do të monitorojë zgjedhjet e nesërme me më shumë se 1.500 vëzhgues. Në 1,160 vendvotime të zgjedhura sipas një mostre të rastësishme dhe përfaqësuese, do të vendosen aq vëzhgues që të mbulojnë 33 për qind të numrit të përgjithshëm të qendrave të votimit në Republikën e Maqedonisë së Veriut, njofton Makfaks.

Nisma qytetare tha se vëzhguesit e tyre ishin statikë dhe do të monitorojnë procedurën e votimit gjatë gjithë ditës. Përveç kësaj, MOST do të vendosë 100 ekipe mobile, të përbërë nga 2 vëzhgues, të cilët do të shërbejnë si mbështetje logjistike për vëzhguesit statikë dhe do të vëzhgojnë herë pas here vendet e votimit ku MOST nuk ka vëzhgues statik. Përveç kësaj, 80 vëzhgues do të monitorojnë punën e komisioneve zgjedhore komunale dhe do të monitorohet edhe puna e Komisionit Shtetëror të Zgjedhjeve.

Përveç votimit të së nesërmes, MOST gjithashtu vëzhgon edhe votimin e parakohshëm të personave të sëmurë dhe me aftësi të kufizuara, personave të zhvendosur brenda vendit dhe personave në burg ose paraburgim.

Bluzat e verdha me mëngë të shkurtra, në të cilat në anën e majtë të pjesës së përparme qëndron logoja e MOST dhe shkruan “Monitorimi 2019”, me kompetencat e MOST-it dhe akreditimet nga KSHZ, të vendosura në një vend të dukshëm, do të jetë shenjë dalluese e qytetarëve si vëzhgues vendas, të cilët janë pjesë e ekipit monitorues të Asociacionit Qytetar MOST. Vëzhgimet e vëzhguesve këtë vit ndryshojnë nga ato të viteve të kaluara. MOST thekson se një vëzhgues i organizatës është vetëm ai  qytetar që mban një bluzë, autorizim dhe akreditim vetëm për këto zgjedhje.

Gjatë ditës së zgjedhjeve, qytetarët mund të raportojnë çdo parregullsi ose të japin informacione lidhur me procesin zgjedhor në linjën telefonike falas 080 080 080.

Projekti “Monitorimi Vendor i Zgjedhjeve Presidenciale dhe Lokale për Kryetar të Komunave në Ohër, Novo Sellë dhe Dibër 2019” mbështetet nga: Ambasada Britanike në Shkup, Ambasada e Mbretërisë së Holandës, Fondacioni Kombëtar për Demokraci dhe Projekti i USAID-it për pjesëmarrje qytetare .