Nga 30 prilli Instagrami në Windows 10 do të ndërpritet

Nëse e keni hapur aplikacionin Instagram në Windows 10 Mobile, sot, mund të keni vërejtur se ka një mesazh që thotë se aplikacioni do të ndërpritet më 30 prill, përcjell Koha.net. 

Siç mund ta shihni nga fotografia e mësipërme, njoftimi sugjeron që ju të hyni me një shfletues webi në platformë.

Ky ndryshim nuk ndikon në versionin për desktop. Përkundër faktit se të dy aplikacionet janë nën të njëjtin listë në Windows Store, Windows 10 PC nuk merr këtë mesazh.

Përdoruesit në Reddit, të cilët fillimisht panë ndryshimin, kanë vënë në dukje aplikacione si Winsta dhe 6Tag për të zëvendësuar atë të Instagramit./mapo