Guterres ka paralajmëruar mundësinë e luftimeve të reja në Libi
Sekretari i Përgjithshëm i OKB-së, Antonio Guterres, paralajmëroi për mundësinë e konflikteve të reja ushtarake në Libi, transmeton REL.
Ai iu kërkoi fraksioneve ndërluftuese t’i kthehen dialogut.
Guterres tha përmes një postimi në Twitter se është “thellësisht i shqetësuar nga lëvizja ushtarake që po zhvillohet në Libi dhe rreziku i konfrontimit”.
I am deeply concerned by the military movement taking place in Libya and the risk of confrontation. There is no military solution. Only intra-Libyan dialogue can solve Libyan problems. I call for calm and restraint as I prepare to meet the Libyan leaders in the country.
— António Guterres (@antonioguterres) April 4, 2019
Libia është përballur me trazira nga viti 2011 prej kur është rrëzuar nga pushteti dikatori, Muammar Qaddafi.
Ky shtet është i ndarë në mes të Qeverive rivale, të cilat mbështesin grupe të ndryshme të militantëve.